الأربعاء، 16 مارس 2011

البلد دي فيها عفريت

افتكرنا ان احنا صرفنا العفاريت كلها

ولكن كل شوية بيطلع لنا عفريت

عفريت اليومين دول
 ايه الي شغالين عليه
الفتنة الطائفية

اي فتنة 
هو انتو لسي هتلعبوها تاني علينا

مااحنا عارفين مين الي بينكش لينا وعاوز يولعها فينا

سيبونا فحالنا 
و مش بيحوق في محمد ومينـــــــا




محمد ومينـــــــا

عاشو مع بعض 
اخوات
لااتفرق بينهم في شكل اوفي سمــــــات
محمد ومينا
اخين عاشو متحابين متألفين
لابينهم حقد ولاطغيان
ولابينهم غيرة ولاعصيان

دخلو ولاد الحرام بينهم
ونكشو في ريشهم



مين هم دول ولاد الحرام
امريكا ولااسرائيل
ولا ذيول النظام  الفاسد ين
ولامين  ولامين؟؟

اي ان كان  المجرم مين
محمد ومينا هيعشيو متحابين




الاثنين، 14 مارس 2011

قالو للي اكل الحــــــــــــرام يخاف


قولوا للى أكل الحرام يخاف بكره اللى كله يفسده
يا با الغنى بالحرام لو شاف ابن الحلال يحسده
قولوا للى أكل الحرام يخاف بكره اللى كله يفسده
يا با الغنى بالحرام لو شاف ابن الحلال يحسده
ناس بتعبى فى شكاير .. مآسى معاصى وخساير
ناس بتعبى فى شكاير .. مآسى معاصى وخساير
مين باع ضميره ده ماله .. مهما يستف فى ماله
مين باع ضميره ده ماله .. مهما يستف فى ماله
ولا يعلى فى عماير .. مصيره مستقصده
قولوا للى أكل الحرام يخاف بكره اللى كله يفسده
يا با الغنى بالحرام لو شاف ابن الحلال يحسده
تبقى الحكاية اذن .. مش ملو مال فى الخزن
تبقى الحكاية اذن .. مش ملو مال فى الخزن
ده باللى نختاره .. وده على الميزان اتوزن
تبقى الحكاية اذن .. مش ملو مال فى الخزن
تبقى الحكاية اذن .. مش ملو مال فى الخزن
ده باللى نختاره .. وده على الميزان اتوزن
فى ناس عملها أملها .. وخيرها بتقصده
ناس بتعبى فى شكاير .. مآسى معاصى وخساير
ناس بتعبى فى شكاير .. مآسى معاصى وخساير
مين باع ضميره ده ماله .. مهما يستف فى ماله
مين باع ضميره ده ماله .. مهما يستف فى ماله
ولا يعلى فى عماير .. مصيره مستقصده
قولوا للى أكل الحرام يخاف بكره اللى كله يفسده
يا با الغنى بالحرام لو شاف ابن الحلال يحسده




مفيش شي بيدوم غير الحـــــــــــلال

الجمعة، 4 مارس 2011

يوميات مواطن من عصر سابق

عاش معاش
واللقمه مالهاش
عاش محـــروم
مذلول مقــــهور
عاش مسكون
جوة الجحور
عاش موجوع
من كتر الممنوع
عاش معاش
واللقمه ملهاش
عاش مسكين
حيران مستكين
عاش يتمني
عيشه البني آدمين
عاش معاش
واللقمه مالهاش

*****
علي لسان
مواطن كان مقهور



الخميس، 24 فبراير 2011

خير اللهم اجعله خير

خير اللهم اجعله خير
صحينا الصبح ماشيين فالشوارع........
 لاقيينا الشوارع مش هي الشوارع!!!


قال ايه
المرور متنظم  والطريق متعظم
والناس رايقه وفايقه
والوشوش بتضحك ومتبسمه
والحياه حلوة ومتاملة

مال الناس كده اتغيرت
والشوارع احلوت وتنورت

مال الطرق كده اتنظمت!!
والموانع اتشالت واتبدلت


قال ايه
مفيش طوابير عالعيش
والشعب عايش مبيشتكيش
والمية طاهره ونقيه
والعيشة حلوة وهنية

مال الهدوء مخيم علينا
والبسمه ماليه عنينا *_*

قال ايه
معتش في لانظيف ولاشريف
والعيش حلوة بدون تعريف

!!

ياااااخويا ياامي يابويا
ايه الي حصل
وايه الي بيحصل
خير اللهم اجعله خير
مصر بلدنا بقيت غير


******
احلام مواطنه
لحياه جديده بعد مبارك

عاوزة حقي من الحكومة



ياعالم اسمعونا
عاوزة حقي من الحكومه
من اخواننا الي نهبونا
بقالهم سنين بيقرطسونا
ملايين ودكانين في جيوبهم
واحنا يلعن عيـــــن الي جبونا
اه يانا واه يانا
من الذل والقهر يابويا
ياعالم اسمعونا
عاوزه حقي من الحكومه
عاوزه حقي من الي نهبونا
عاوزه اعيش  ومتقوليش
كفياني تلطيش علي البقشيش'

عاوزين بقي تعويض
لايامنا  الي ضاعت هدر
ضاعت ذل وقهر
عاوزين نعيش زي البني ادمين
نلاقي الرغيف بدون تخطيف
والي يعيش معنا هو الشريف العفيف
تعبنا من موال نظيف وشريف
وكل خفيف وحريف
عاوزين  ننسي الماضي
ومانعش حياتنا عالفاضي
من الاخر كده
بقولها بااعلي حسي
عاوزين نعيش ومنتنســــــــيش



***********

 مواطنه مقهورة